Update: Illegal na Druga, isa sa mga Ginasunod nga Anggulo sa pagtiro patay kay Louell Bawe sa Buntatala Jaro

Iloilo City — May ginasunod na nga anggulo ang mga otoridad sa pagtiro patay kay Louell Bawe alyas Boy Bawe, 46 anyos sang Veterans Village City Proper pero tumandok sang Agcuyawan Calsada Barotac Nuevo.

Isa na diri ang illegal nga druga.

Ginpahayag nga nagagamit sang illegal drugs ang biktima nga anay civilian asset sang CIDG kag NBI pero gina-verify pa ang impormasyon.

Ginasunod man nga anggulo ang impormasyon nga involved sa gun-running activities si Bawe.

Ikatatlo ang daan nga hiligut-anon pero masangkad ini nga rason kag gina-id-id sang mga otoridad.

Nagasakay sa motorsiklo si Bawe kahapon sang aga sang gintiro sang mga suspek nga sakay man sa motorsiklo pag-abot sa Buntatala Jaro. (JoMaque)