Lalaki, Patay Matapos Nabun-an sa Smallville Complex sa Mandurriao!

Iloilo City–Patay ang 25-anyos nga lalaki nga nabun-an sa Smallville Complex sa Mandurriao.

Gindala pa sa Western Visayas Medical Center si Roel John Galanto sang Jibao-an, Pavia pero napatay bangud sang pilas sa likod. Ginpahayag nga pauli na ini kaupod ang iya mga barkada sang nakabais ang suspek nga nagasakay sa awto antes siya ginbuno. Nagpalagyo naman ang suspetsado.

Ginpahayag naman sang Mandurriao police nga nakahibalo lang sila sang insidente sang nagpadulong sa police station ang pamilya sang biktima. Suno kay PINSP Victor Barcenilla, deputy commander sang Mandurriao Police Station, wala gid nakapabalo ang guwardya sang Tuki Convenience Store sa diin natabu ang pagpangbuno kag bisan ang taga-ospital. Suno pa kay Barcenilla, nagresponder sila sa rambol sa MO2 Ice antes nabal-an ang natabu sa Tuki. (Aine Grace Bravo)