Presidente sang Integrated Bar of the Philippines-Guimaras, Plano Mag-file sang Manifestation sa Korte agud Punggan ang Pagbukas sang Guimaras-Iloilo Ferry Terminal

Nagaplano ang grupo ni Atty. Vincent Pascal de Asis, presidente sang Integrated Bar of the Philippines (IBP) Guimaras Chapter nga mag-file sang manifestation sa korte agud punggan ang pagbukas sang Guimaras-Iloilo Ferry Terminal (GIFT).

Nakibot si Atty. De Asis sa ginreport nga magabukas na ang GIFT project sa Hunyo 23 bisan may pending nga kaso sa korte nga gin-file sang IBP-Guimaras. Ginkwestyun nanday Guimaras Vice Governor Vicente De Asis kag Atty. de Asis ang pagsulod sang syudad sa joint venture agreement bisan pa nga propedad sang gobyerno ang ginatindugan sang proyekto.

Ginapamatukan sang mga complainants ang ipatuman sang Double Dragon nga 11 pesos nga terminal fee sa kada pasahero nga mapadulong sa Guimaras kon mangin operational na ang GIFT. (Aine Grace Bravo)