350 ka Personnel sang PRO 6, Nalakip sa Listahan sang mga may Koneksyon sa Negosyo sang Illegal nga Druga

Iloilo City — Kapin 350 ka personnel sang Police Regional Office 6 ang may koneksyon sa negosyo sang illegal nga druga.

Ginpahayag ni PRO 6 Director Bernardo Diaz nga ang nasambit nga mga PNP personnel ang naga-ranggo sang PO1 tubtub Chief Superintendent.

Magluwas sa PNP personnel suno kay Diaz, may mga politiko man nga naga-negosyo sang illegal nga druga.

Samtang, sa kabug-usan may 1,096 ka mga drug personalities sa Western Visayas.

Nalakip dire ang 540 ka drug personalities sa probinsya sang Iloilo; 150 sa syudad sang Iloilo; 128 sa Capiz; 112 sa Aklan; 84 sa Antique kag 82 sa Guimaras.

Natalana nga isumiter ni Diaz ang listahan kay incoming PNP Director General Chief Supt Ronald “Bato” Dela Rosa. (JoMaque)

#TheBattleAgainstIllegalDrugsContinues