DEPED 6, Nagalaum nga Madugangan pa ang Enrollees sa Senior High School

Ginalauman sang Department of Education 6 nga maduganga pa ang numero sang mga enrollees sa Senior High School (SHS) bisan nga nagbukas na ang klase subong nga adlaw.

Sa monitoring sang ahensya tubtub sang Biernes, Hunyo 11 sang aga, naglab-ot pa lang sa 47% ang turnout sang enrollment sa SHS. Ginapaabot naman ni DEPED 6 Assistant Director Vic Divinagracia nga madugangan pa ang numero sang mga estudyante subong nga adlaw.

Handa naman suno sa iya ang mga maestra sa senior high school nga nagpaidalum sa training gamit ang mga instructional materials.

Wala man sang problema ang DEPED sa mga classrooms suno kay Divinagracia bangud nga nahingaw patindog sa bulig sang Department of Public Works and Highways. (Aine Grace Bravo)