Gov. Arthur Defensor, Nakabaton sang Impormasyon nga 2 ka Mayor kag 1 ka Ex-Mayor ang Protector sang Illegal Drugs sa Probinsya

Iloilo--Nakabaton sang impormasyon si Governor Arthur Defensor nga may duha ka mayors kag isa ka ex-mayor nga protector sang illegal drugs sa probinsya.

Pero ginakabig ini sang gobernador nga kutso-kutso bangud wala man sang nagapangisog nga magbuyagyag sa pangalan sang mga alkalde. Mabudlay suno kay Defensor nga magpalayag sang pangalan sang mga alkalde nga nadalahig sa illegal drugs bangud wala sang ebidensya kag posible pa siya mabalikan sang kaso.

Ginpasiguro naman ni Defensor nga padayon ang kampanya sang probinsya batuk sa illegal nga druga. (Aine Grace Bravo)