UPDATE: Moonlight Lodge Management, Kasuhan sang Syudad Bangud sa Paglapas sa City Ordinances

Iloilo City–Kasuhan sang syudad ang tag-iya sang Moonlight Lodge sa Jaro bangud nga wala nagsunod sa mga ordinansa sang syudad.

Pahayag ini ini Atty. Mark Piad, legal counsel kag spokesperson ni Mayor Jed Patrick Mabilog, matapos nasapwan nga patay na ang 15-anyos nga babaye sa Room 5 sang lodging house.  Natukiban sang Task Force on Moral Values and Recovery nga wala naga-function ang CCTV camera sang lodging house nga paglapas sa CCTV ordinance sang syudad. Wala man sang karatula sa guwa nga nagapa-andam nga ginadumilian ang pagsulod sang mga menor-de-edad bilang pagsunod sa isa pa ka ordinansa.

Mahimo nga mapasiraduhan ang Moonlight Lodge suno kay Atty. Piad bangud maathag nga wala nagsunod sa mga ordinansa sang syudad. (Aine Grace Bravo)