Lalaki sa Balasan, Patay Matapos Gintiro!

Balasan, Iloilo–Patay ang lalaki nga gintiro sa Barangay Poblacion kagab-i. Ginkilala ang biktima kay Santiago Dequiña sang Purok Aranjuez sa amo man nga banwa nga may pilas sa wala nga mata, sag-ang kag dughan.

Suno kay PINSP Samuel Vipinosa, hepe sang Balasan Police Station, natabu ang insidente samtang naga-inom ang grupo sang biktima kag suspek. May identity na sang suspetsado pero nagbalibad si vipinosa nga ibuyagyag bangud nagapadayon ang hot pursuit operation.

Duha ka baseyo sang ginapatihan caliber 9mm ang narecover sa crime scene. Dumot ukon pagbaisay ang ginasunod nga motibo sang mga pulis sa insidente. (AGB)