Update: P11 nga Terminal fee sa GIFT, Ginpanubuan sa P5 suno sa Spokesman ni Mayor Jed Mabilog

Iloilo City — Ginpanubuan sang developer sang Guimaras Iloilo Ferry Terminal ang terminal fee.

Sa meeting ni Mayor Jed Patrick Mabilog upod sa taga-Double Dragon Properties Corporation, nahisugtan suno kay Atty. Mark Piad nga spokesperson sang alkalde nga himuon nga lima ka pesos ang terminal fee halin sa 11 pesos.

Ang terminal fee suno kay Piad ang iga-apply sa tanan nga pasahero nga magalabay sa GIFT kon magpadulong sa Guimaras.

Nagpasugot man ang Double Dragon sa gina-ayo sang mga guimarasnon nga indi pagpasiraduhan ang Ortiz wharf agud may option sila kon diin magsakay. (JoMaque)