Calinog Mayor Alex Centena, Handa Magpa-idalum sa Lifestyle Check Agud Mapamatud-an nga Indi siya Involved sa Illegal Drugs

Calinog, Iloilo–Handa si Mayor Alex Centena nga magpaidalum sa lifestyle check kag buksan ang iya bank accounts sa publiko.

Sabat ini sang alkalde kasunod sang pakigkita niya kay DILG Secretary Mike Sueno agud tinlo-an ang iya pangalan matapos nalawagan ni President Rodrigo Duterte nga ginatudlo protector sang Illegal drugs. Personal nga ginpakita ni Centena kay Sueno ang kopya sang iya bank account agud mahibaluan kun diin naghalin ang iya manggad kag mapamatud-an nga legal ang iya mga negosyo.

Ginpasiguro naman ni Centena padayunon niya ang paghatag sang supporta sa mga police sa Calinog bisan ginkuhaan na siya sang otoridad nga mag-supervise sa local police. (AGB)