City government, Ginkalipay ang Plano sang Double Dragon Properties Corp nga Librehon ang Terminal fee sa GIFT

Iloilo City — Ginkalipay sang syudad ang tikang sang Double Dragon Properties Corporation nga i-libre sa terminal fee ang mga pasahero nga magalabay sa Guimaras Iloilo Ferry Terminal (GIFT) sa Parola Area.

Reaksyon ini sang syudad kasunod sang pagpadala sang sulat sang Double Dragon nga librehon sa terminal fee ang mga pasahero sa sulod sang 10 ka tuig.

Magasugod ang libre sa lunes, Agosto 15.

Apang suno kay Atty. Mark Piad, spokesperson ni Mayor Jed Patrick Mabilog, wala pa siya nakakita sang sulat ukon nakasapol upod sa alkalde agud ipahibalo ang tikang sang Double Dragon.

Wala man sang ideya si Piad kun bala business strategy lang sang Double Dragon ang tikang agud makakuha sang franchise sa city council. (JoMaque)