Mga empleyado kag Public officials sang Calinog, Ipa-drug test ni Mayor Alex Centena

Iloilo City — Ipa-drug test ni Mayor Alex Centena ang mga empleyado kag public officials sang banwa.

Sapulon ni Centena ang mga department heads agud ma-schedule ang drug test sa mga empleyado kag mga public officials.

Masunod nga ipa-drugtest suno sa alkalde ang mga barangay officials.

Ginhimo ni Centena ang tikang agud pamatud-an nga indi siya protector sang illegal nga druga kag indi pagtawgon nga ‘most shabulized’ ang Calinog.

Ang tikang ginhimo sang alkalde matapos ginhingadlan Presidente Rodrigo Duterte nga isa sa mga protectors sang illegal nga druga.

Gin-athag man ni Centena nga wala sini gina-apinan ang iya third cousin, driver sang iya ugangan kag bata sang iya empleyado nga nadakpan nga nagahupot sang illegal drugs.

Nagpasalamat man ang alkalde nga napatay sa police operation ang ginakabig high value target drug personality sa Malitbog Calinog sang nagligad nga bulan. (JoMaque)