4 Arestado lakip na ang Menor de Edad sa Buybust Operation sa Bakhaw Mandurriao

Iloilo City — Arestado ang apat ka tawo nga ginalakipan sang duha ka lalaki kag duha ka babaye, isa diri ang menor-de-edad, sa buybust operation sa Bakhaw Mandurriao kagab-i.

Nadakpan ang isa sa duha ka subjects sang operasyon nga si Merfrad Maaya alyas Junjun pero nakapalagyo ang iya utod paagi sa pagdalagan sa likod sang balay nga nagalusot sa suba.

Nadakpan man sa sulod sang balay ang isa pa ka utod ni maaya nga si Marilee Maaya, Raymundo Flores, 21 anyos sang Burgos La Paz kag alyas Neneng, 16-anyos sang Arevalo.

Narecover sa sulod sang balay ang pila ka sachets sang suspected shabu kag mga drug paraphernalia.

Nadismaya naman ang iloy ni alyas Neneng sang nabatian sa radyo nga nadakpan ini.

Udto pa lang kahapon suno sa iloy sang naglisensya si Neneng nga malagaw pero wala pa nakabalik kag nabalitaan na lang nga nadakpan ini sa ginakabig drug den sa Bakhaw. (JoMaque)