State of Lawlessness nga Gindeklarar ni Pres. Duterte kasunod sang Bomb Attack sa Davao City, Indi pa Maathag ang Sakup — Atty. Hans Sayno

Iloilo City — Daku nga palamangkutanon pa ang sakup sang “state of lawlessness” nga gindeklarar ni Presidente Rodrigo Duterte kasunod sang bomb attack sa Davao City nga nagpatay sang 14 ka tawo kag nagsamad sang masobra 60 ka iban pa.

Suno kay Atty. Hans Sayno, nakabutang lang sa consitution nga mahimo makadeklarar ang presidente sang state of lawless violence.

Sa deklarasyon, may poder ang presidente nga magmandu sa armed forces nga magpugong sa mga sitwasyon sang lawless violence.

Ginahaum-haum na lang suno kay sayno nga state of lawless violence ang gindeklarar ni Presidente Duterte.

Indi gid malikawan suno kay sayno nga magkabalaka ang iban nga madiretso sa martial law ang deklarasyon.

Pero lain naman ang mga kondisyon suno sa abogado sa pagdeklarar sang martial sa diin dapat nga may rebelyon, invasion ukon nabutang ang public safety sa delikado. (JoMaque)