CIPJODA president Porsing Parreño, Nagsabat sa Reklamo kontra sa iya sa Isyu sang Insurance

Iloilo City —  Ginsabat ni Confederation of Iloilo Jeepney Owners and Drivers Association (CIPJODA) president Porsing Parreño ang reklamo kontra sa iya sa isyu sang insurance ni Jenny Espinosa Cardenas.

Sa interview ni Aksyon Junjun Sornito, ginpabutyag ni Parreño nga mas madalum sa isyu sang insurance ang pagreklamo kontra sa iya ni Cardenas.

Gin-athag ni Parreño nga gin-remit niya ang bayad sang una nga walo ka pangalan nga ginsumiter ni Cardenas samtang wala na ginbaton ang ginpalagas nga duha.

Suno pa kay Parreño, masaku na siya sang ginpalagas ni Cardenas ang duha ka pangalan kag ginlaygayan ini nga siya na lang ang maproseso sa ila affiliate nga National Confederation of Transport Workers Union.

Ginpahayag naman ni Cardenas nga anum ka pangalan ang una niya ginsumiter kay Parreño sang Marso subong nga tuig kag ginpalagas ang duha ka pangalan sang Abril.

Nagreklamo si Cardenas bangud wala suno sa iya naka-claim ang pamilya sang CIPJODA member nga nalakip sa una nga ginpa-insured.

May mga nagareklamo man suno kay Cardenas nga wala pa nahatagan sang ila insurance card. (JoMaque)