(UPDATE) Hotline Number sang Customer Care Center sang Syudad, Ginpaguwa na sa Publiko!!!

Iloilo City–Mahapos na ang pagreklamo batuk sa pigado nga serbisyo kag indi maayo nga pamatasan sang mga nagatrabaho sa City government.

Ginpaguwa kahapon ni City Administrator Atty. Hernando Galvez ang hotline number  sang Customer Care Center nga gintukod sang syudad sang damlag lang agud may dalangpan ang mga nagareklamo sa public service.

Nagalaum si Galvez nga paagi sa tikang, mapadasig nila ang pag-aksyon sa mga reklamo kag mapa-ayo pa ang serbisyo sang mga empleyado sang City government.

Ginprovide ni Mayor Jed Patrick Mabilog ang telephone number 337-0788 para sa Customer Care Center. (AGB)