Job Hire sang Estancia Municipal Government, Gintiro Patay sang Riding-in-Tandem

Estancia, Iloilo — Patay ang job hire sang Estancia Municipal Government sang ginpa-arakan tiro sa Zone 3 Poblacion, Estancia.

May pito ka pilas ang biktima nga si Maria Lourdes Hablo-Magtisa, 57-anyos sang nasambit nga lugar sang gintiro sang mga suspetsado nga nakasakay sa motorsiklo malapit sa ikaduha nga gate sang Northern Iloilo Polytechnic College.

Ginpahayag nga magapadulong sa fishing port si Magtisa sang ginbangga-an sang mga suspect kag ginpaarakan tiro.

Narecover sang Estancia police ang 2 ka slugs sang .9mm pistol.

Suno sa bana nga si Hector Magtisa, wala siya nakahibalo nga may kontra ang iya asawa. (JoMaque)