Police Regional Office 6, Preparado na sa Pagpatuman sang Seguridad sa Fiesta Minatay

Iloilo City — Preparado na ang Police Regional Office 6 sa pagbantay sa mga terminals, pier kag mga patyo sa Western Visayas.

Pahayag ini ni PRO 6 Director Jose Gentiles nga nagsapol sa mga provincial directors kag city director.

May gindesignar si Gentiles nga mga police supervisors nga magalibot kag maga-check sang deployment sa mga pulis para mapasiguro ang kalinong kag katawhay sang All Saint’s kag All Souls Day.

May ara nga coordination ang mga pulis sa iban nga ahensya sang gobierno ilabe na sa Land Transportation Office.

Magabutang sang information center ang mga pulis sa terminals kag patyo agud may dangpan ang mga tawo kun may yara sila sang reklamo. (JoMaque)