Anay Hepe sang First Maneuver Platoon sa Tigbauan, Gindismiss!

Iloilo–Gindismiss sang National Police Commission ukon NAPOLCOM sa police service ang anay hepe sang First Maneuver Platoon sang Iloilo Public Safety Company sa Tigbauan bangud sa kaso nga grave misconduct kag oppression.

Ginkumpirmar ni Inspector 4 Napoleon Arostique, chief sang Technical Services Division sang NAPOLCOM 6 ang desisyon sang ila en banc nga nagadismiss kay PSI Eulando Lago. Ginpirmahan sang mga miembro sang commission ang desisyon nga nafetsahan Marso 8, 2016.

Ginreklamo si Lago sang anum ka police officers 1 nga nagpahulom sa ila sa fishpond sang siyam ka oras sang Agosto 3, 2012. (AGB)