20-anyos nga Lalaki nga Tuyo Magpanginmatay sa Arevalo, Nakit-an na

Iloilo City — Buhi kag wala nalumos ang 20-anyos nga lalaki nga naglusong sa dagat sa Sto.Niño Sur, arevalo kagab-e.

Gin-rescue sang iya abyan si alyas Pato kag gindala sa ila balay, suno sa iya live-in partner nga si alyas Christine.

Naglusong sa dagat si alyas Pato agud kuhaon ang kutsilyo nga iya ginhaboy para gamiton kontani sa pagpanginmatay.

Problema sa pamilya ang motibo sa tuyo nga pagpanginmatay sang lalaki matapos nag-away sila sang iya magulang.

Pila ka oras ang rescue operation kay alyas Pato kagab-e tubtob nga gin-untat sang Philippine Coast Guard. (NemesioMartirez)