City Government, wala pa nakabaton sang direktiba nga hatagan sang P2,000 nga bonus ang mga job hires

Iloilo City–Wala pa sang nabaton nga direktiba ang City Government agud hatagan sang P2,000 nga bonus ang mga job hires.

Pag-athag ni City Administrator Atty. Hernando Galvez, ginahulat pa sang City Government ang guidelines.

Nakasugod naman release ang syudad sang tag-P5,000 nga Productivity Enhancement Incentive (PEI) sang mga permanent employees sang Disyembre 19. Ginaproseso pa ang Collective Negotiation Agreement (CNA) nga tag-P6,000 kag posible man mapanghatag subong nga semana suno kay Galvez. (AGB)