Tatlo ka menor-de-edad nga lalaki nga suspek sa pagkastigo tubtob mapatay sa tigulang nga babaye sa Tigbauan, naghinulsol suno sa mga pulis

Tigbauan, Iloilo–Naghinulsol ang tatlo ka menor-de-edad nga lalaki nga suspek sa pagkastigo tubtob mapatay sa 63-anyos nga babaye sa Barangay 9 sang Sabado sang kaagahon.

Suno kay PSI Rowena Hubero, OIC sang Tigbauan MPS, natripingan sang tatlo ka suspek nga naka-inom ang biktima nga si Nena Fernandez sang West Habog-Habog, Molo.

Base sa pagpangusisa sang Tigbauan police, may nakakita nga ginpulihan kastigo ang biktima nanday alyas Paul kag alyas Ronald-lunsay 16 kag alyas Renard-13.

Ginpahayag nga ginlampusan pa sang bato sa ulo ang biktima. Yara na sa kustodiya sang Tigbauan Municipal Social Welfare and Development Office sanday Paul kag Ronald samtang ginpapuli ang 13-anyos. (AGB)