Luyag lang magpasikat!

Iloilo City–Luyag sang mga pamatan-on sa Lapaz nga makilala ang ila grupo gani nagahimo sang gamu paagi sa paghalit sa mga inosente nga tawo ukon nagapakig-away sa iban nga grupo.

Ini ang obserbasyon ni PSI Rey Sumagaysay, hepe sang Lapaz Police Station, sa grupo sang mga pamatan-on nga nagakadalahig sa mga kinagamu. Suno sa iya, nagakalipay ang grupo nga makahimo malain nga bagay nga makahalit sa iban nga tawo, May tion suno sa iya nga nagalabay lang sa dalan, ginatripingan kag ginakastigo sang mga pamatan-on agud makilala ang ila gang.

Ginapabantayan ni Sumagaysay sa kapulisan kag sa bulig sang mga punong barangay ang mga 24-hour convenience store kag mga internet shops nga gina-tambayan sang mga pamatan-on agud matapna ang kinagamu. (AGB)