16 ka pulis sa probinsya, kasuhan sang NAPOLCOM 6 bangud wala nagpakita sa annual inspection

Iloilo–Pasakaan sang kaso sang National Police Commission ukon NAPOLCOM 6 ang 16 ka pulis sang Iloilo Police Provincial Office (IPPO) nga wala nagpakita sa annual inspection.

Sa record sang NAPOLCOM, wala gid nagsipot ang gintumod nga mga pulis sa inspection sang Setyembre 28 kag Oktubre 10 bisan pa nga ginpadal-an sang sulat sang inspection team.

Nagdesisyon si NAPOLCOM 6 Director Marte Palomar nga pasakaan sang kaso administratibo nga gross neglect of duty ang mga pulis matapos wala gid nagreport sa ila opisina sang Disyembre 14. Ginhatagan suno kay Palomar sang tsansa ang mga pulis nga magpa-athag pero wala gid nagpakita sa opisina sang NAPOLCOM 6. (AGB)