January 23, 2022

Dumptruck nga may karga nga igang, natumba sa karsada sa Pavia; pahinante pilason

Read Time:47 Second

Pavia, Iloilo — Pilason ang 16-anyos nga pahinante sang dump truck nga may karga nga igang sang natumba ang salakyan sa corner B.S Aquino Drive kag Corazon Aquino Avenue sa Ungka 2 Pavia subong nga hapon.

Natabunan sang igang ang nakaparada nga Honda CRV nga ginapanag-iyahan ni Paul Niño De Ramos, 37 anyos sang Antipolo City.

Suno kay PO2 Junlord Moleño sang Pavia Police Station, nadulaan sang preno ang truck nga ginamaneho ni Abundio Pabuaya Jr, 49 anyos sang Ermita Dumangas, kag wala na nakontrol ang manibela gani nga nakabunggo sa poste kag natumbahan ang auto.

Nnakahingagaw nga makaguwa ang driver sang auto samtang madasig nga gin-rescue ang driver sang truck kag ang pahinante sini nga si alyas Jeryl.

Napilasan sa tuo nga tiil ang pahinante matapos nga naipit sa sulod sang truck samtang nagreklamo sang pagpalanakit sang lawas ang driver sang auto.

Gindala naman sa Pavia Police Station ang driver sang dump truck. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Libre nga Dialysis para sa mga indigents nga pumuluyo sang Syudad, mahimo na nga ma-avail
Next post Punta sang kanyon sang pusil sang mga jail guards sa BJMP, ginbutangan sang tape agud malikawan ang indiscriminate firing sa pagsug-alaw sang 2017