Libre nga Dialysis para sa mga indigents nga pumuluyo sang Syudad, mahimo na nga ma-avail

Iloilo City — Nagpirma sa Memorandum of Agreement ukon MOA ang city government kag Freemont Renal Care Medical Services para sa libre nga dialysis sa mga indigents nga mga pumuluyo sang syudad.

Particular nga maka-avail sang free dialysis amu ang mga pigado nga pumuluyo nga ubos na ang Philhealth coverage.

May yara sang libre nga 277 ka sessions sang dialysis sa Freemont Renal Care Medical Services nga nagabalor sang P3,600 kada session ang ma-avail sang mga pumuluyo.

Mahimo lang magkadtu sa City Health Office kag sa City Social Welfare and Development Office ang pasyente agud ma-refer sa Freemont sa Nabitasan La Paz.

Nagpa-in sang P997, 200 nga budget ang city government para sa libre nga dialysis.

Suno kay Mayor Jed Patrick Mabilog, mahimo na makasugod subong sa pagkuha sang referral ang mga indigents para sa libre nga dialysis.

Kun maubos suno sa iya ang 277 sessions sa Freemont, magapa-in naman sang pundo ang syudad para sa libre nga dialysis. (JoMaque)