Miembro sang Striking Force sang MNLF, patay sa Drug bust Operation sa San Jose Antique

Antique — Patay ang drug personality sa buybust operation sa Dalipe, San Jose Antique kaina sang hapon.

Suno kay Supt. Norby Escobar, hepe sang San Jose Police Station, nagpalupok si Giovani Ballenas sang Palma, Barbaza kabangdanan nga napilitan nga magbalos ang police.

May duha ka pilas si Ballenas kag narecover ang 4 ka sachets sang suspected shabu, marked money nga masobra isa ka libo ka pesos kag isa ka 357 revolver kag ID.

Gin-tokhang si Ballenas sang Agosto sang nagligad nga tuig sang Barbaza police apang wala nag-surrender kag namonitor nga nagabaligya sang illegal drugs sa San Jose.

Base sa ID nga narecover, si Ballenas ang miembro sang striking force sang Moro National Liberation Front kag naga-ranggo sang technical sergeant. (JoMaque)