10 sa 13 ka mga sakay sang naglugdang nga fishing vessel sa kadagatan sang Carles sang Enero 2, na-rescue

Iloilo — Nakabalik na sa Roxas City ang 10 sa 13 ka mga sakay sang fishing vessel nga naglugdang sa kadagatan sang Carles sang Enero 2.

Ginkonfirmar ni Coast Guard Iloilo Station Commander Ramil Palabrica nga nakaluwas ang 1o ka sakay nga nasampay sa mga isla sa Capiz.

Ginalakipan ini sang 9 ka crew kag isa ka menor de edad. Tatlo pa ang nagapabilin nga missing.

Ginkuha ang mga mangingisda sa lugar sa diin sila nasampay kag gindala na sa Roxas City.

Una na nga ginpabutyag nga naglugdang ang sakayan bangud sa dalagku nga balud kag mabaskug nga hangin. (JoMaque)