Kaso nga Rape batuk sa tatlo ka mga Lalaki nga ginpahayag nagbulos-bulos lugos sa 16-anyos nga babaye sa sulod sang patyo sa San Enrique, napasaka na

Iloilo City — Na-file na ang kaso nga rape batuk sa tatlo ka mga lalaki nga ginpahayag nagbulos-bulos lugos sa 16-anyos nga babaye sa sulod sang patyo sa San Enrique.

Nagpadulong sa Provincial Prosecutor’s Office sa Iloilo Hall of Justice kaina sang udto si alyas Nene agud ipasaka ang kaso batuk kanday Jay-r loking, 21-anyos kag mag-utod nga Jeffrey Pachaonsis, 22-anyos kag Mark Jason Pachaonsis, 19-anyos lunsay sang Barangay Campo, San Enrique.

Gindala man sa Hall of Justice kaina ang nadakpan nga si Loking nga nagapanghiwala gihapon sang iya kahilabtanan sa natabu.

Nagapabilin naman nga at large ang mag-utod nga Pachaonsis.

Natabu ang insidente sang nagkadtu sa balay sang iya nobyo sa Barangay Garita, San Enrique si Nene kag ginhambalan siya sang mga suspetsado nga idul-ong sa Dumangas apang gin-diretso sa patyo kag ginpahayag ginbulus-bulusan lugos. (JoMaque)