Mayor’s Office sa Pototan, ginransak!

Pototan, Iloilo–Padayon pa nga gina-imbestigaran sang mga pulis sa pag-ransak sa mayor’s office.

Suno kay PSI Bonifacio Lamson Alabe Jr, hepe sang Pototan Police Station, wala pa nadeterminar ang bili sang mga nagkaladula. Natukiban sang utility worker nga si Ramil Silva nga naga-inukay na ang kagamitan sa opisina kahapon sang aga.

Lakip sa nadula ang tatlo ka computer monitors–duha halin sa mayor’s office kag isa halin sa opisina sang Human Resource–kag isa ka laptop sang sekretarya sang alkalde. (AGB)