Trisikad driver, nalumos sa Muelle Loney!

Iloilo City–Nalumos sa Muelle Loney ang 50-anyos nga trisikad driver matapos ginapatihan nga nahulog sa dagat kaina sang aga.

Ginreport sa Coast Guard nga nadula si Alexander Diaste alas-4 kaina sang kaagahon. Suno sa iya asawa, posible nga naligo nga naligo lang ang iya bana apang wala na nakabalik. Nakita pa sang mga crew sang nagadungka nga fishing boat si Diaste nga nagapungko tubtub natalupangdan nga tsinelas na lang ang nabilin.

Ginpatihan na nahulog si Diaste bangud masami ini nagareklamo nga nagalingin ang ulo. Apat ka divers sang Coast Guard ang nagpangita kay Diaste tubtub narecover ang iya bangkay pasado alas-9 kaina sang aga. (AGB)