Councilor Jeffrey Ganzon, Ginahingyo si Mayor Jed Mabilog nga Mag-issue sang Executive Order agud Maimplementar ang iya Ordinansa sa Dinagyang Festival

Iloilo City – (UPDATE)   Ginhingyo ni Councilor Jeffrey Ganzon si Mayor Jed Patrick Mabilog nga mag-issue sang Executive Order agud mahingagaw nga maimplementar sa Dinagyang Festival ang ginaduso niya nga ordinansa.

Ginproponer ni Ganzon ang pagdumili sa pagdala sang backpack, canned, glass kag bottled drinks sa mga dalagko nga kahiwatan kag mga aktibidades sa syudad agud malikawan ang mga insidente.

Ginpabutyag naman ni Ganzon nga ginatugyan na niya sa Iloilo City Police Office ang pagdeterminar sang mga designated areas nga nagadumili sa pagdala sang nasambit nga mga butang lakip ang mga lugar kun sa diin ini pwede i-turn over.

Ginpahayag nga wala pa napirmahan ni Mabilog ang nasambit nga ordinansa.

Ginahulat man ni ICPO Director Police Senior Superintendent Remus Zacharias Canieso ang kopya sang ordinansa nga nagadumili sa pagdala sang backpack, canned, glass kag bottled drinks sa syudad kun may dalagko nga kahiwatan ukon  aktibidades kasubong sang Dinagyang Festival.

(Aljohn Torreta)