83-anyos nga Lalaki, nabun-an sa Passi City

Passi City — Pilason ang 83 anyos nga lalaki nga nabun-an sa Passi City kahapon.

Lipong nga gindala sa Western Visayas Medical Center si Alfredo Trupico sang Sablogon Passi City nga may tatlo ka pilas sa dughan.

Gintudlo nga nagbuno kay Trupico ang iya kasilingan nga si Jomar Galvez.

Base sa pag-imbestigar ni Supt. Ruby Gumban, hepe sang Passi City Police Station, naakig si Galvez bangud ginharab sang karabaw sang biktima ang iya tanum nga kalabasa.

Nagkomprontahanay ang duha tubtob nga nag-inaway. May pilas man sang pagkalabo sa kamot ang suspek kag padayon nga ginabulong sa Iloilo Provincial Hospital sa Pototan. (JoMaque)