Mayor Jed Patrick Mabilog, indi na magpaguwa sang Executive Order para sa ‘Backpack Ordinance’ sa Dinagyang Festival

Iloilo City–Indi na magpaguwa sang Executive Order si Mayor Jed Patrick Mabilog nga magadumili sa pagdala sang backpack, canned kag glass bottled drinks sa Dinagyang Festival.

Suno sa alkalde, ginpahayag ni Iloilo City Police Office Director PSSUPT Remus Zacharias Canieso nga indi na kinahanglan ang EO apang ipatuman gihapon sang kapulisan ang ordinansa. Gin-athag suno sa iya ni Canieso nga i-inspect lang nila ang mga backpacks sa controlled areas pareho sang lima ka mga judging areas kag sa mga kwarto sang mga tribu. Suno sa iya, ipa-buksan ang backpack kag i-check sang kapulisan ang unod.  Sawayon man sang mga pulis ang makadto sa controlled areas nga may mga dala nga canned kag glass bottled drinks.

Una na ginpabutyag ni Councilor Jeffrey Ganzon nga kinahanglan ang executive order ni Mabilog agud mahingagaw nga mapatuman sa Dinagyang ang ‘Anti-Backpack Ordinance’ nga indi na mag-agi sa publication. (AGB)