Utod ni high value target drug personality Rolando Torpio, nadakpan sa buybust operation

Iloilo City–Arestado sa buybust operation ang utod ni high value target drug personality Rolando Torpio alyas Apa nga si William Torpio, 34 sang South San Jose, Molo.

Nakuha kay William ang 21 ka plastic sachets sang suspected shabu, drug paraphernalia kag P9,300 nga cash nga ginapatihan kita sa pagbaligya sang illegal drugs. Narecover man ang P1,000 nga buybust money.

Nakapalagyo naman ang kaupod ni William nga si alyas Koji nga driver sang tricycle.

Gin-ako ni Torpio nga nagagamit siya sang illegal nga druga apang ginpanginwala nga nagabaligya siya sang illegal nga druga. (AGB)