Sta Barbara LGU, wala pa sang nabaton nga application para sa business permit sang maga-operate sang STL sa probinsya

Iloilo — Wala pa sang nabaton nga dokumento tubtub subong si Sta Barbara Mayor Dennis Superficial angut sa pag-operate sang small town lottery (STL) sa probinsya.

Suno sa alkalde, wala pa sang application for business permit sa iya opisina ang Eagle-Crest Holding and Gaming Corporation, ang operator sang STL.

Kahapon, nag-courtesy call sa opisina ni Governor Arthur Defensor si Samuel Aguilar, chief operating officer sang Eagle-Crest Holding and Gaming Corporation kaupod si Atty. Manases Carpio kag duha ka representante sang PCSO-Iloilo.

Ginsuhestyun sang gobernador sa PCSO nga i-review ang bag-o nga Implementing Rules and Regulations (IRR) ilabe na ang pagkuha sa prerogative sang local chif executive nga mag-issue sang Certificate of No Objection sa naga-apply nga STL operator. (JoMaque)