Task Force AGILA sang DILG, wala pa nakahimo sang final report angut sa ila imbestigasyon sa mga government officials nga nalakip sa narco list ni PDuterte

Iloilo City —  Wala pa nakatapos imbestigar ang Task Force Agila nga gintukod sang Department of Interior and Local Government agud magtutok sa mga government officials nga nalakip sa narco list nga una ginlawag ni Presidente Rodrigo Duterte.

Suno kay DILG Undersecretary John Castriciones nga head sang Task Force Agila, nagapadayon pa ang ila imbestigasyon kag wala pa sila nakahimo sang final report.

Wala pa man sang advice sa ila nga may gin-clear na nga pangalan sa una nga listahan.

Gin-athag dugang ni Castriciones nga wala sang sang ihibalo sa gina-uyatan nga listahan sa Police Regional Office 6.

Nagpaguwa sang pa-athag si Castriciones matapos ginhambal ni PRO 6 Director Jose Gentiles nga wala sang pangalan sa iya gina-uyatan nga narco list sanday Iloilo City Mayor Jed Patrick Mabilog kag Maasin Mayor Mariano Malones.

Ginkonfirmar man ni Calinog Mayor Alex Centena nga ginhambalan siya ni Gentiles nga wala man ang iya pangalan sa listahan. (JoMaque)