Isa patay, isa pilason sa shooting incident sa Lapaz!

Iloilo City–Patay ang 21-anyos nga lalaki nga gintiro sa Barangay Nabitasan, Lapaz kagab-i.

Gindala pa sa ospital si Gener Panes apang wala natabangan bangud sang duha ka pilas sa dughan kag isa sa likod. Nasalabat naman sang bala sa sulod sang iya balay si Erlinda Pallado, 38-anyos, nga naigo sa wala nga pusog-pusogan.

Sa imbestigasyon sang Lapaz police, nagahampang sang pool ang biktima sang ginpalapitan sang suspek nga ginkilala kay Jake Larriosa, 40-anyos kag gintiro.

Antes sini, ginpahayag nga may komosyon nga natabu sa tunga sang suspek kag grupo sang biktima. Gintudlo ang biktima nga naghaboy sang bato sa suspetsado.

Narecover sa crime scene ang tatlo ka empty shells sang 45 caliber pistol. Arestado ang suspetsado. (AGB)