Tatlo ka balay sa Ungka Jaro, nasunog!

Iloilo City — Masubo ang Valentine’s Day sa Barangay Ungka, Jaro bangud sang sunog pasado alas 3 kaina sang hapon.

Totally-damaged ang balay nanday Joven Javellana kag Adelaida Evangelista samtang partially damage ang balay ni Arsenia Vales.

Ginpahayag nga naghalin ang kalayo sa balay ni Javellana.

Wala na nagsaylo ang kalayo sa balay ni Punong Barangay Angelito Celiz bangud napalibutan ini sang mataas nga pader.

Indi pa makapat-od si City Fire Marshal Fire Supt. Jerry Candido sa gintunaan kag balor sang kahalitan sa sunog. (JoMaque)