‘Daku ang epekto’

Iloilo City — (UPDATE) Daku ang epekto sa kita sang mga lodging houses ang ginlunsar nga saturation drive sang Task Force on Moral and Values Formation kahapon.

Halos katunga sang regular nga customers sang mga lodging houses ilabe na sang DL drive-in motel kag Sofia lodge, ang nadula bangud sang operation sang task force.

Suno kay Noel Sarseno, supervisor sang DL drive-in motel, kun sang nagligad nga tuig temprano pa nga fully-booked ang lodging house, nabuhinan ini kahapon.

Gintumod ni Sarseno ang naga-egsister nga ordinansa sang syudad nga indi magpasulod sang mga menor de edad.

Suno naman kay Helen Vallejo, supervisor sang Sofia lodge, daw regular lang nga adlaw kahapon bangud kalab-anan sa mga customers ang nahadlok mag-check in ilabe na kun may upod nga menor de edad.  (JoMaque)