Pondo Sang SSS para sa dugang nga P1,000 pension, naglab-ot sa P6.6 billion

Iloilo City – Naglab-ot sa 6.6 bilyones pesos ang ginpain nga pondo sang gobyerno para sa dugang nga isa ka libo nga pension sang mga myembro sang Social Security System. Ini ang pahayag ni Raul Casiano, division head sang SSS sa Iloilo kag Guimaras.

Suno kay Casiano, subong nga adlaw mabaton sang mga SSS members ang dugang nga isa ka libo nga increase sa ila pension nga differential para sa Enero.

Ginpahayag nga mabaton naman sa Marso 10 ang differential sa Pebrero samtang sa Marso 17 naman mabaton ang differential sa Marso.

Ginpaathag naman ni Casiano nga nakadepende sa mga bangko ang pagdistribute sang dugang nga SSS pension.

Ini ang kasunod sang mga report nga may mga myembro nga nakabaton na sang dugang nga isa ka libo kahapon.

Nagpanawagan si Casiano sa publiko nga magbukas sang account sa SSS agud makabaton sang mga benefits. Dugang niya, ini ang indi balayran kundi investment para sa mas maayo nga bwasdamlag sang mga myembro.

(Aljohn Torreta)