18-anyos nga babaye, gintuyo nga i-abduct sang wala nakilala nga lalaki!

Iloilo City — Nagpa-blotter sa Jaro Police Station ang 18-anyos nga babaye matapos ginpahayag gintuyo i-abduct sa Barangay Tabuc Subam Jaro kagab-i.

Nakasakay na sa motorsiklo ang biktima kag gindala sa Brgy. Bita-og Taytay, Sta. Barbara apang nakalumpat kag nakapangayo sang bulig sa mga pumuluyo.

Matambong kuntani sa debut sa isa ka restaurant sa General Luna Street, City Proper ang biktima apang indi ini katoltol sa lugar.

Nagpamangkot ini sa suspect nga nagpakilala nga security guard sang University of San Agustin.

Bangud ini kabisado sang biktima ang lugar, nagsalig ini sa suspetsado kag nagsakay sa motorsiklo.

Apang sa baylo nga dal-on siya sa ginatudlo nga restaurant, nagdiretso ang suspetsado sa gasoline station kag nagpatughong tubtub nga gindala ang biktima sa circumferential road pakadtu sa Sta. Barbara. (JoMaque)