Jeep vs Truck vs Tricyle: Isa patay kag 16 ang pilason!

Cabatuan, Iloilo — Isa ang patay, 16 ang gindala sa ospital matapos nabungguan sang dump truck sa Tigbauan Road, Cabatuan kaina sang aga. Napatay si Mark John Malfarta, 16 anyos kag estudyante sa Cabatuan National High School, nga nagasakay sa jeep.

Nasamaran naman ang pakaisa ni Malfarta nga si John Mark Malfarta, 14 anyos. Pilason man sanday Sara Jane Compleza, Sujih Santa Romana, Christian Paolo Janolino, Angela Isabel Tiron, Dana Arenga, Adrian Avelino, John Ric Capinig, Christian John Tiron, Merlinda Ramos, Jecyll Continente, John Arvie Gualin, Ariel Lego, Krystel Mae Cuello, April Joy Nestuir kag ang driver sang tricycle nga si Gemar Aguero, 36-anyos.

Preso naman sa Cabatuan Police Station si Rafy Palec sang Magbato, Lambunao, ang driver sang dump truck nga nagbunggo sa jeep kag naka-side swipe pa sa tricycle kag motorsiklo.

Naghilibiun naman ang iloy sang napatay bangud indi na matuman ang handum sang iya bata nga magpulis. Suno kay Maria Elna Malfarta, mabuot kag masaligan sini ang iya bata. (JoMaque)