(UPDATE) Pamilya sang pito ka tuig nga bata nga babaye nga ginapatihan ginhimuslan sa Tigbauan, mapasaka sang kaso batok sa suspek!

Tigbauan, Iloilo–Desidido ang pamilya nga pasakaan sang kaso ang 31-anyos nga suspetsado sa pagkuha sa pito ka tuig nga bata nga iya gindala sa kilid sang suba kag ginhimuslan.

Nagatulog ang bata sa iping sang iya iloy sa ila balay sa Parara sang ginkuha sang suspek kag gindala sa Barangay Dorong-an, Tigbauan. Kilala man sang amay ang suspetsado nga si Noel Salarda sang Barangay Parara Sur bangud naka-upod niya ini sa trabaho.

Ginlighot sang kapulisan ang palibot pero pero tuman ka danlog sang suspetsado kag madasig nga nagapalagyo.

Nagreklamo ang bata sang pagsakit sang iya kinatawo kag bibig bangud sang ginpahayag paghalok sa iya sang suspetsado kag pagpa-oral sex sa iya. Ginhulog man siya sang lalaki sa dike rason nga nagsakit ang iya likod.

Suno sa bata, pag-abot sa kamalig, gin-ubahan siya kag ginhambalan nga indi maghimo sang gahod samtang ginahimuan sang kabastusan. (AGB)