(UPDATE) BANA NGA NAGPATAY SA IYA ASAWA SA BAROTAC NUEVO, NATALANA PASAKAAN KASO

Barotac Nuevo, Iloilo — Subong nga adlaw (Marso 27) natalana pasakaan sang kaso nga parricide ang bana nga si Carlos Valdez sang Agcuyawan Calsada, Barotac Nuevo bangud sa pagbuno patay sa iya asawa nga si Ligaya. 6 ka pilas ang naagum sang asawa–3 sa likod, 2 sa leog, 1 sa dughan. Ang mag-asawa may 2 ka kabataan nga yara subong sa pag-inakop sang pamilya sang napatay. Suno sa bana, na-impito siya rason nga nabuno niya ang asawa. Ginpahayag sang bana nga trisikad driver nga masami siya ginasakit kag ginabuyayaw sang asawa. Terible ang paghinulsol sang bana kag indi man siya makapati nga nabuno niya kag napatay ang asawa. Pasakaan sang parricide ang bana nga nagapabilin nga preso sa Barotac Nuevo Police Station. (JoMaque)