Liga President kag Ex-officio Councilor Reyland Hervias, nagdepensa sa ginhiwat nga ‘exploratory learning’ sang mga barangay officials sa Naga kag Legazpi Cities

Iloilo City — Gindepensahan ni Liga president kag ex-officio councilor Reyland Hervias ang exploratory learning sang mga barangay officials sang syudad sa Naga kag Legazpi Cities.

Ginpahayag ni Hervias nga madamu sila sang natun-an sa pinili nga mga lugar. Ginhalimbawa sini ang mga best practices sa Solid Waste Management, Barangay Drug-Clearing Program kag Disaster Management.

92 sa 180 ka mga punong barangay ang nag-upod sa exploratory learning kag iban pa ang nag-upod sang ila barangay secretary ukon barangay kagawad.

Nagasto suno kay Hervias sang P25, 650 ang kada barangay para sa lakat nga gin-organisar sang Liga.

“Indi mandatory”

Indi magdatory ang pag-upod sa exploratory learning sang mga barangay officials sang syudad sa Naga kag Legazpi Cities. Suno kay Hervias, nag-upod lang ang mga barangay officials nga luyag makatuon sang best practices sa ginkadtuan nga mga lugar.

Wala naman ginpilit nga mag-upod ang wala sang budget. Wala man nakaupod ang wala nakatapos sang development plan.

320 ka mga barangay officials ang nag-upod sa exploratory learning nga ginabug-usan sang 92 ka punong barangay kag ang iban, mga barangay secretary ukon barangay kagawad.

Suno pa kay Hervias, nalakip sa ila gingastuhan ang pamasahe, hotel kag pagkaun. (JoMaque)