Mag-amay sa Guimbal, ginpangbuno sang ila kasilingan naospital!

Guimbal, Iloilo — Nakaguwa na sa ospital ang mag-amay nga ginbuno sang 34-anyos nga lalaki sa Barangay Pescadores, Guimbal sang Sabado. Suno kay PO1 Glenn Mark Pinuela, imbestigador sang Guimbal Municipal Police Station, may tatlo ka pilas sa likod kag le-og si Darwin Tuvillara, 33-anyos samtang may pilas sa ulo ang iya amay nga si Danilo Tuvillara.

Base sa imbestigasyon sang pulis, naga-inom inom ang mag-amay upod ang ila mga kasilingan sang hinali lang nag-abot ang suspetsado nga si Dejee Gavile, residente sang nasambit nga barangay kag nagpahibalo nga astig siya.

Naglakat si Gavile suno kay Pinuela apang sang nagbalik ini, hinali lang niya nga ginbuno si Darwin. Nagtambag si Danilo sa iya bata apang ginbuno man siya sang suspetsado suno kay Pinuela.

Natalana nga ipasaka subong nga adlaw ang kasu nga frustrated murder batuk kay Gavile nga preso sa Guimbal Municipal Police Station. (JoMaque)