‘Anomaliya sa CSWDO’

Iloilo City–Nakabaton sang reports si City Administrator Atty. Hernando Galvez sa ginpahayag illegal disposal sang bugas kag iban pa nga goods sa City Social Welfare and Development Office.

Ini antes pa man ang report nga nakita ang salakyan sang CSWDO nga nagadeliver sang bugas sa mga tiangge. Suno kay Galvez, may report siya nga nabaton nga gina-deliver ang bugas sa Nabitasan, Lapaz kag Bolilao, Mandurriao.

Tiun na suno kay Galvez nga kumpirmahon ang mga alegasyon paagi sa pagtukod sang ad hoc committee nga maga-imbestigar sa CSWDO. Gin-relieve naman ang duha sa mga ginadudahan nga sanday Jonathan Celiz kag Edwin Florendo. (AGB)