PDEA 6, nakarecord sang halos 3,000 ka mga drug personalities sa katapusan sang quarter sang 2016

Iloilo City — Nakarecord ang Philippine Drug Enforcement Agency 6 sang 2 mil 910 ka drug personalities sa katapusan nga quarter sang 2016.

Base ini sa confidential list sang PDEA 6 nga ginpresentar sa meeting sang City Peace and Order Council ukon CPOC kahapon sang hapon. Sa nasambit nga numero, 117 ang nagpa-rehab, duha ang nag-enrol sa trabaho, 30 ang na-aresto, 11 ang nag-relocate kag isa ang napatay. Sa kabug-usan, 3 mil 180 naman ang tokhang surrenderers halin hulyo 2016.

Samtang nagalab-ut sa 306 ang nag-gradwar sa drug rehabilitation program sang Police Regional Office 6 kag 75 pa ang padayon nga nagapa-rehab. Sa syudad naman, 209 ang nagradward sa first batch sang rehab program kag 259 ang nagapadayon sa programa sa second batch.

93 ka drug surrenderers ang nagapa-idalum sa livelihood training sa Technical Institute of Iloilo City-Molo Campus kag 102 sa Barrio Obrero campus. Halin sang Marso, 195 ang nagpasakup sa tatlo ka bulan nga training. (JoMaque)