Nagsaway lang, patay sang ginbuno!

Sta. Barbara, Iloilo–Patay ang dispatcher sang ginbuno matapos nagsaway sa grupo sang mga pamatan-on nga indi pagsayluhon ang signage.

May patal nga pilas sa leog si Richard Gamboa, 36-anyos sang Barangay Bulong Oeste, Sta Barbara. Suno kay SPO1 Marjorie Lascano sang Sta. Barbara Police Station, pauli na si Gamboa kaina sang kaagahon sang nalabayan ang mga suspek nga nagasaylo sang mga signages sa Bangga Dama gani iya ginsaway.

Ginpulihan si Gamboa sang kalalakihan kag isa sa ila ang nagbuno sa biktima gamit ang ginapatihan ice pick.

Wala pa nakilala ang mga suspetsado. (AGB)